کوئٹہ، 12 ستمبر(اے پی پی): وزارت مذہبی امور کے زیراہتمام بین المذاہب ہم آہنگی قومی اقلیتی کمیشن پاکستان کا سولہواں اجلاس کوئٹہ میں نیشنل منیارٹی کمیشن آف پاکستان کے چیئرمین چیلا رام کے زیرصدارت منعقد ہوا۔ اجلاس میں چاروں صوبوں سے تعلق رکھنے والے اقلیتی برادری کے نمائندوں نے شرکت کی۔
اجلاس میں گیارہ نکاتی ایجنڈا جس میں بلوچستان میں واقع اقلیتی برادری کے مندروں، گرجا گھرو ں، مزارات اور مدارس کی مرمت، بلوچستان کے تمام ضلعوں میں بین المذاہب ہم آہنگی این سی ایم، تبدیلی مذاہب کے بارے میں بلوچستان پولیس میں قانون سازی، حکومت بلوچستان و اقلیتی برادری کی تحفظ کے لئے اقدامات، اقلیتی برادری کے مذہبی مقامات کی حیثیت، ملازمتوں میں اقلیتی برادری کے لئے مختص پانچ فیصد کوٹہ پرعملداری، کلی اسماعیل میں بہائی برادری کے قبرستان اور پٹیل روڈ پر واقع ہال کی تحفظ کے لئے سیکورٹی کیمروں کی تنصیب، اقلیتی برادری سے تعلق رکھنے والے حقداروں کو فراہم کرنے والے امداد کی طریقہ کار، سلیبس میں اقلیتی برادری کی مذہبی حیثیت، جیلوں میں اقلیتی برادری کی مذہبی رسومات و تہوار کیلئے کئے گئے اقدامات، بلوچستان پولیس میں اقلیتی برادری کے لئے شکایات سیل کا قیام و اقلیتی برادری کے تمام قیدیوں کا تفصیلی ڈیٹا وغیرہ شامل ہے پر سیکرٹری وزارت مذہبی امور حکومت بلوچستان نور محمد جوگیزئی نے کمیشن کے ارکان کو تفصیلی بریفنگ دی۔
