اکتیسویں چیف آف ائیر اسٹاف چیلنج کپ پولو ٹورنامنٹ کا 29نومبر سے آغاز

20

اسلام آباد،28نومبر(اے پی پی):پی اے ایف سپورٹس کنٹرول کمیٹی اور اسلام آباد پولو کلب انتظامیہ کے تعاون سے سرسبز و شاداب اسلام آباد پولو کلب میں 31 واں چیف آف دی ایئر اسٹاف چیلنج کپ پولو ٹورنامنٹ 2022 منعقد کیا جا رہا ہے۔ یہ ٹورنامنٹ 29 نومبر سے 05 دسمبر 2022 تک کھیلا جائے گا۔ایونٹ پاکستان میں پولو کے کھیل کے فروغ میں اہم سنگ میل ثابت ہوگا۔

ترجمان پاک فضائیہ کے مطابق ٹورنامنٹ میں 06 ٹیمیں (پی اے ایف بلیو، پی اے ایف وائیٹ، آسیان، اے ایس سی رضوی، اے ایس سی احمد خان اور اے ایس سی والٹرز) شرکت کریں گی۔ اعلیٰ فوجی اور سول عہدیداران کے علاوہ پولو کے شائقین کی ایک بڑی تعداد اس ٹورنامنٹ سے مخصوص ہو گی۔

چیف آف ائیر اسٹاف چیلنج پولو کپ 1985 میں پہلی دفعہ منعقد کیا گیا اور اس کے بعد سے یہ پاک فضائیہ کے اسپورٹس کیلینڈر میں ایک اہم حیثیت اختیار کر چکا ہے۔ پولو کے شائقین ہر سال اس ایونٹ کا بےصبری سے انتظار کرتے ہیں۔ ایسے ٹورنامنٹس کا انعقاد پولو کے کھیل کی  ملکی اور بین الاقوامی سطح پر پذیرائی کا باعث ہے اور یہ کھیلوں کے فروغ میں پاک فضائیہ کے عزم کا حقیقی مظہر ہے۔