sمری ،10 جنوری (اے پی پی ):ڈی پی او مری فراز احمد کی ہدایت پر مری ٹورازم پولیس سیاحوں کو بہترین سہولیات فراہم کی جا رہی ہے،مری ٹورازم پولیس کی جانب سے سیاحوں کو تحفظ اور سہولت کی فراہمی کا سلسلہ بھی جاری ہے ،ملکی و غیر ملکی سیاحوں نے مری ٹورازم کوسٹرز میں سفر کیا اور بہترین سروس ڈیلیوری پر مری ٹورازم پولیس کو خراج تحسین پیش کیا۔
مری ٹورازم پولیس سیاحوں کے تحفظ اور سہولت کے لئے چوبیس گھنٹے مصروف عمل ہے ،سیاحوں نے ٹورازم پولیس فورس کے افسران اور جوانوں کا شکریہ ادا کیا۔
ڈی پی او مری فراز احمد کی طرف سے ٹورازم پولیس فورس کو اچھی ڈیوٹی کرنے پر شاباش بھی دی گئی۔مری آنے والے سیاح کسی بھی ایمرجنسی یا پریشانی کی صورت میں مری ٹورازم پولیس کے فیلڈ افسران یا ہماری ہیلپ لائین 15 اور 1757 دفتر نمبر 0519269277 رابطہ کر سکتے ہیں،
ڈی پی او مری فراز احمد نے کہا سیاحوں کے سفر کو محفوظ، پر سہولت اور خوشگوار بنانے کے لئے ہمہ وقت مصروف عمل ہیں، حکومت پنجاب کی ہدایت اور آئی جی پنجاب عامر ذوالفقار کے ویژن کے مطابق مری میں شہریوں اور سیاحوں کو بہترین سروسز کی فراہمی کے لیے ہر ممکنہ اقدامات کیے جا رہے ہیں ۔
