لاہور 31 مئی ( اے پی پی ) پاکستان میں ایشیا کپ کا انعقاد؛ سکیورٹی انتظامات کے جائزہ کیلئے چیئرمین آئی سی سی کا اہم دورہ کے دوران چیئرمین انٹرنیشنل کرکٹ کونسل کا پی سی بی حکام کے ہمراہ سیف سٹیز اتھارٹی پہنچ گئے ۔چیئرمین آئی سی سی گریگ بارکلے اور چیف ایگزیکٹو جیف ایلرڈائش نے کیمروں سے سرویلنس کا جائزہ لیا۔مینجنگ ڈائریکٹر محمد کامران خان نے ایشیا کپ کیلئے سکیورٹی انتظامات کے حوالے سے بریفنگ دی۔چیئرمین آئی سی سی گریگ بارکلے نے شہر بھر میں نصب کیمروں سے روٹس کو مانیٹر کیااور سکیورٹی انتظامات پر اطمینان کا اظہار کیا۔آئی سی سی وفد کو پاکستان دورہ کرنے والی ٹیموں کو دی جانے والی سکیورٹی کی ویڈیوز دکھائی گئیں ۔سکیورٹی ٹیم کو ائیر پورٹ، سٹیڈیم روٹس، ہوٹلز، پارکنگ اور پولیس فورس کے انتظامات بارے بریفنگ دی گئی ۔آئی سی سی وفد کوجدید ٹیکنالوجی کے استعمال و قانون نافذ کرنے والے اداروں کے باہمی اشتراک بارے بتایا گیا۔چیئرمین آئی سی سی گریگ بارکلے نے اس موقع پر کہا کہ سیف سٹی لاہور کا انفراسٹرکچر دنیا کے بہترین سسٹمز میں سے ہے، پاکستان آ کر اچھا محسوس کر رہا ہوں، کرکٹ کیلئے پاکستانیوں کا جزبہ دیدنی ہے۔
