پشاور، 25مئی(اے پی پی): کور کمانڈر پشاور لفٹیننٹ جنرل حسن اظہر حیات نے کیپٹن کرنل شیر خان شہید کے مزار پر حاضری کے بعد نواکلی، صوابی میں عوام کے ساتھ غیر رسمی ملاقات کرنے کیلئے مقامی بازار کا رخ کرلیا اور مختلف دکانداروں سے گفت و شنید کی۔
عوام نے کور کمانڈر لفٹیننٹ جنرل حسن اظہر حیات کو اپنے درمیان دیکھ کر نہایت مسرت کا اظہار کیا اور اس موقع پر پاک فوج زندہ باد کے نعرے بھی لگائے۔ کور کمانڈر پشاور عوام بالخصوص نوجوانوں میں گھل مل گئے اور انکی خیریت دریافت کی۔
