اسلام آباد، 02 اگست(اے پی پی ):قومی اسمبلی نے پیمراترمیمی بل 2023 اورپریس کونسل آف پاکستان بل سمیت کئی بلوں کی منظوری دے دی ہے ۔
بدھ کو قومی اسمبلی کا اجلاس اسپیکر قومی اسمبلی راجہ پرویز اشرف کی زیر صدارت ہوا ، جس دوران پیمراترمیمی بل 2023 ،پریس کونسل آف پاکستان بل، گیس (چوری کی روک تھام اور وصولی )(ترمیمی)بل 2023، تخفیف غربت و سماجی تحفظ ، زکوۃعشر (ترمیمی) بل 2023، دی فالکن یونیورسٹی آف ٹیکنالوجی (ترمیمی)بل 2023 ، دی کنگز یونیورسٹی آف ہائیر ایجوکیشن کمیشن کراچی (ترمیمی) بل 2023، پبلک انسٹی ٹیوٹ آف سائنس آرٹ اینڈٹیکنالوجی بل 2023، کی منظوری دی ۔
بدھ کوقومی اسمبلی میں وقفہ سوالات کے علاوہ ایجنڈے کے بیشتر امور بھی نمٹائے گئے، بعدازاں سپیکرراجہ پرویز اشرف نے ایوان کی کارروائی 3 اگست بروز جمعرات تک ملتوی کردی۔
