ملتان،14 اگست(اے پی پی ):چئیر پرسن چائلڈ پروٹیکشن بیورو سارہ احمد کی خصوصی ہدایت پر بیورو ملتان آفس میں پُروقار تقریب کا انعقاد کیا گیا۔ ڈسٹرکٹ انچارج چائلڈ پروٹیکشن بیورو شفاعت ظفر نے ادارے میں رہائش پذیر بچوں آفیسرز اور سٹاف کے ہمراہ پرچم کشائی کی ۔شفاعت ظفر نے آفیسرز کے ہمراہ ادارے میں رہائش پذیر کے ساتھ جشنِ آزادی کے موقع پر کیک بھی کاٹا ہے۔
جشنِ آذادی کے پُر مسرت موقع پر چائلڈ پروٹیکشن بیورو میں مقیم لاوارث بے آسرا بچوں نے خوب ہلہ گلہ کیا،بچوں نے اپنے جذبات کا بھر پور اظہار کیا، پاکستان زندہ باد،قائد اعظم زندہ باد کے نعرے لگائے، بچوں نے جشنِ آزادی کے حوالے سے مختلف ملی نغموں پر ٹیبلوز پیش کئے۔
جشنِ آذادی تقریب کے آخر میں چائلڈ پروٹیکشن بیورو میں مقیم بچوں نے ملکی سلامتی استحکام اور ترقی کے لئے خصوصی دعا بھی کی۔
