نوشہرہ فیروز؛شہید صحافت جان محمد مہر کے قتل کیخلاف صحافی برادری سراپا احتجاج ، قاتلوں کی گرفتاری کا مطالبہ

26

نوشہرو فیروز،15 اگست (اے پی پی):  سکھر کے شہید صحافی جان محمد مہر کے بہیمانہ قتل کیخلاف محراب پور کے صحافیوں، سیاسی و سماجی رہنماوں، وکلاءنے صدر پریس کلب محراب پور منور حسین منور، صدر شہید عزیز میمن پریس کلب، منیر احمد میمن، صدر سٹی پریس کلب راجہ خان نوناری، سرپرست نیشنل پریس کلب سرفراز نواز،تحصیل صدر نوشہروفیروز اتحاد قاضی ایاز عالم، علم الدین علیم ایڈووکیٹ، صدر ایوانِ محراب پور پریس کلب شہزاد مغل ،رپورٹر محسن ملاح، صدر نیشنل پریس کلب رانا ندیم انجم، صدر سچل پریس کلب عظیم نوناری کی قیادت میں شہید عزیز میمن پریس کلب سے احتجاجی ریلی نکال کر جناح چوک پر دھرنا دیا اور قاتلوں کی فوری گرفتاری کا مطالبہ کیا ۔

 ایڈووکیٹ محی الدین جٹ،خلیق الرحمان خالد ایڈووکیٹ مسلم لیگ (ن) کے چوہدری ظہور حیدر آرائیں، سماجی رہنما سابق کونسلر عبدالرحمان آرائیں ،سوہان چانڈیو نے بطور یکجہتی ریلی میں شرکت کی۔ صحافیوں ملک مشتاق عبدالمجید راہی، عبدالخالق مغل، امجد علی، ملک حافظ رفیق ،عبدالجبار گھانگھرو عمران غوری ،فاروق احمد ،محمود الحسن جلالی ،نعمان میمن ،سری چند ادھلانی ،عاش چنہ،سرفراز میمن ،احمد ندیم مغل ،ارشد انصاری، آکاش کمار، عرفان مغل عمران کمانڈو ،آفتاب چاچڑ سرور مغل سمیت صحافیوں کی کثیر تعداد نے احتجاج  میں  شرکت کی۔