اسلام آباد،04 ستمبر(اے پی پی): پاک بحریہ اور اینٹی نارکاٹکس فورس نے بحر ہند میں مشترکہ انسداد منشیات آپریشن کرتے ہوئے 10 ہزار سے زائد شراب کی بوتلیں اور 9.5 ٹن منشیات ضبط کر لی ہیں ۔
ترجمان پاک بحریہ کے مطابق آپریشن انٹیلی جنس کی معلومات کی بنیاد پر کیا گیا،ضبط کی جانے والی منشیات کی قیمت عالمی مارکیٹ میں 111.39 ملین ڈالر ہے،ضبط کی جانے والی منشیات کو مزید قانونی کارروائی کیلئے اینٹی نارکوٹکس فورس کے سپرد کر دیا گیا ہے ۔
ترجمان کے مطابق پاک بحریہ دیگر متعلقہ اداروں کے ساتھ مل کر ملکی سمندری حدود میں غیر قانونی سرگرمیوں کی روک تھام کے لئے ہمہ وقت تیار ہے۔
