اسلام آباد،11 دسمبر(اے پی پی):پاکستان کے کھلاڑیوں نے ورلڈ مکسڈ مارشل آرٹس چیمپئن شپ 2023 میں 2 کانسی کے تمغے اپنے نام کرلئے ہیں، ورلڈ ایم ایم چیمپین شپ 7 سے 10 دسمبر 2023 کو بنکاک، تھائی لینڈ میں منعقد ہوئی۔
پاکستانی ایتھلیٹس عاصم خان نے 56.7 کے جی اور شاہ زیب خان نے 83.9 کے جی کٹیگری میں پاکستان کے لیے کانسی کا تمغہ اپنے نام کیا۔
یاد رہے پاکستان کی تاریخ میں پہلی بار مکسڈ مارشل آرٹس سپورٹس میں پاکستان نے ورلڈ چیمپئن شپ میں دو کانسی کے تمغے حاصل کیے ہیں،اس چیمپئن شپ میں 38 ممالک نے حصہ لیا۔
