لاہور، 28 جنوری(اے پی پی): آئی جی پنجاب ڈاکٹر عثمان انور نے لاہور پولیس کے مختلف دفاتر اور تھانوں کا دورہ کیا، تعمیراتی کاموں کا جائزہ لیا اور جلد مکمل کرنے کیلئے احکامات بھی جاری کئے۔آئی جی پنجاب نے تھانہ شفیق آباد اور ایس ڈی پی او آفس شفیق آباد کا معائنہ کیا۔
آئی جی پنجاب نے ڈی آئی جی آپریشنز لاہور کے دفتر کی زیر تعمیر عمارت کا جائزہ لیا ۔آئی جی پنجاب نے موقع پر موجود افسران سے بریفنگ لیتے ہوئے ہدایات بھی جاری کیں ۔ڈاکٹر عثمان انور نے کہا کہ ڈی آئی جی آپریشنز لاہور کا دفتر جدید سہولیات سے آراستہ اسٹیٹ آف دی آرٹ ہوگا ۔ آئی جی پنجاب نے تھانہ گلبرگ، تھانہ اچھرہ، ڈی ایس پی سی آئی اے اچھرہ کی عمارتوں کا بھی دورہ کیا اور تعمیراتی کام کا جائزہ لیا۔
آئی جی پنجاب سپیشل انیشئیٹو پولیس اسٹیشن ماڈل ٹاؤن اور ایس ڈی پی او کے دفتر بھی پہنچے۔انھوں نے کہا کہ پنجاب پولیس کے تھانوں کے بعد ایس ڈی پی اوز کے دفاتر کو اپ گریڈ کر رہے ہیں۔ڈاکٹر عثمان انور نے کہا کہ پولیس انفراسٹرکچر ڈویلپمنٹ کا مقصد پولیس ورکنگ کو بہتر بناتے ہوئے شہریوں کیلئے سروس ڈلیوری کو مزید آسان بنانا ہے ۔ انھوں نے کہا کہ سپروائزری افسران باقی زیر تکمیل کام کو اپنی نگرانی میں جلد از جلد مکمل کروائیں ۔
