اسلام آباد۔9فروری (اے پی پی):قومی اسمبلی کے حلقہ این اے-194 لاڑکانہ 1سے پاکستان پیپلز پارٹی پارلیمنٹیرینز کے امیدوار بلاول بھٹو زرداری ایک لاکھ 35 ہزار 112 ووٹ لے کر کامیاب قرار پائے۔ الیکشن کمیشن آف پاکستان کی طرف سے جاری غیر سرکاری غیر حتمی نتائج کے مطابق جمیعت علمائے اسلام پاکستان کے امیدوار راشد محمود سومرو 35 ہزار 311 ووٹ لے کر دوسرے نمبر پر رہے۔ اس حلقے میں ڈالے گئے ووٹوں کا تناسب 42.78 فیصد رہا۔
