نارووال،24 مارچ( اے پی پی):وزیراعلی پنجاب کےستھرااورسرسبزپنجاب کے حوالےسے ڈپٹی کمشنرسیدحسن رضاکی سربراہی میں شجرکاری مہم کاسلسلہ کامیابی سے جاری، مہم کے تحت ڈپٹی ڈائریکٹرزراعت تنویراحمد تتلہ اوراے ڈی زراعت(توسیع) ہیڈکوارٹراحسان الحق پنوں نے اپنے اپنے دفاترکے لان میں پودے لگائے۔
ڈی ڈی زراعت تنویراحمدتتلہ اوراے ڈی زراعت احسان الحق پنوں نےاس موقع پرکہاکہ اللہ تعالی نے ہمیں رمضان کے مبارک مہینے میں توفیق دی کہ ذہنی جسمانی اور روحانی آلودگیاں دور کرنے کے ساتھ ساتھ ہمیں ماحول کی آلودگیاں دور کرنےکی طرف اپنے قدم بڑھانے کی ضرورت ہے،لہذااس سلسلہ میں ملک کے ہرفردکو اپنے حصے کا پودا لگانا ہوگا تاکہ ہمارے ملک کے شہری بہتر ماحول میں آکسیجن لے سکیں اس لیےماحول کو بہتر بنانے کے لئے ضروری ہے کہ زیادہ سے زیادہ درخت لگائے جائیں۔
انہوں نےکہاکہ صاف ستھرے ماحول میں صحت مند معاشرہ کی تشکیل اور صحت مند ماحول فراہم کرنا ناگزیر ہے کیونکہ درخت زمینی کٹاؤ سے بچاتے ہیں۔
