لاہور، یکم مئی (اے پی پی): وزیر اعلیٰ پنجاب مریم نواز شریف سے گورنر خیبر پختونخواہ حاجی غلام علی نے ملاقات کی۔
ملاقات میں باہمی دلچسپی کے امور اور بین الصوبائی ہم آہنگی کے فروغ پر تبادلہ خیال کیا گیا۔ دونوں صوبوں کے مابین تعاون میں مزید اضافے اور مختلف شعبوں میں تعاون پر بات چیت کی گئی۔
گورنر حاجی غلام علی نے کہا کہ وزیر اعلیٰ مریم نواز شریف کی عوام کی خدمت کی لگن قابل تحسین ہے-
مریم نواز نے کہا کہ انشاءاللہ پنجاب دیگر صوبوں کے لیے بڑے بھائی کا کردار کرتا رہے گا – دیگر اکائیوں سے ملکر کام کریں گے اور پاکستان کو مشکلات کے بھنور سے نکالیں گے – سینٹر پرویز رشید، سینئر صوبائی وزیر مریم اورنگزیب اور دیگر حکام بھی اس موقع پر موجود تھے۔
