لاہور، مئی 27 ( اے پی پی): وہیل چیئر کرکٹ ٹیم کی مسلسل دوسری بار ایشین چیمپئن شپ فتح پاکستان ٹیم نے چئیرمین پاکستان کرکٹ بورڈ محسن نقوی سے ملاقات قذافی اسٹیڈیم میں کی ہے۔
محسن نقوی نے کھلاڑیوں کو ایشین چیمپئن شپ جیتنے پر مبارکباد دی ان کی کارکردگی کو سراہا اور کھلاڑیوں کو 15 لاکھ روپے کا چیک دیا بطور انعام دیا اور مستقبل کیلئے نیک خواہشات کا اظہار کیا۔
دوران ملاقات چئیرمین بی سی بی نے کہا کہ وہیل چیئر کرکٹ ٹیم کی کامیابیوں پر دلی خوشی ہوئی ہے اور پی سی بی وہیل چیئرکرکٹ ٹیم کی سپورٹ جاری رکھے گا۔انہوں نے کہا کہ امید ہے کہ وہیل چیئرکرکٹ ٹیم آئندہ بھی ٹورنامنٹس جیت کر پاکستان کا نام روشن کرے گی۔
وہیل چیئرکرکٹ ٹیم کے کھلاڑیوں نے قذافی سٹیڈیم بلا کر حوصلہ افزائی کرنے پر چئیرمین پی سی بی محسن نقوی کا شکریہ ادا کیا اور کہا کہ آپ نام کے ساتھ کرکٹ کے بھی محسن ہیں۔ ملاقات کرنے والوں میں وہیل چیئر کرکٹ کونسل کی چیئرپرسن رخسانہ راجپوت،وہیل چیئر کرکٹ ٹیم کے کپتان محمد ذیشان، نائب کپتان عمران ارائیں، بیٹسمین سید ارسلان احمد، وکٹ کیپر بیٹر معظم نواز اور دنیا کے تیز ترین باولر محمد فیاض شامل تھے۔
واضح رہے کہ پاکستانی وہیل چیئر کرکٹ ٹیم نے نیپال میں ہونے والے فائنل میں سری لنکا کو ہرا کر ایشین چیمپئن شپ جیتی تھی۔
