قصور , 17 جون (اے پی پی):عیدالاضحیٰ کے موقع پر امن و امان کے قیام کو یقینی بنانے کے سلسلہ میں ضلع بھر میں گزشتہ روز فلیگ مارچ کا انعقاد کیا گیا۔فلیگ مارچ سرکل افسران کی سربراہی میں ایگل سکواڈ کی ٹیموں سمیت بھاری نفری کیساتھ کیا گیا۔ فلیگ مارچ میں سرکل کے ایس ایچ اوز، ٹریفک پولیس، ایلیٹ فورس اور پولیس لائن کی نفری نے حصہ لیا۔ڈی پی او قصورمحمدعیسیٰ خاں نے کہا کہ فلیگ مارچ کا مقصد شہریوں میں احساس تحفظ اجاگر کرنے کیساتھ ساتھ حکومتی رٹ کو برقرار رکھنا ہے،پولیس عیدالاضحیٰ کے موقع پر سکیورٹی کے فول پروف انتظامات کو یقینی بنائے گی‘ امن و امان کے قیام اور جرائم پیشہ عناصر کی سرکوبی کیلئے قصور پولیس پوری طرح مستعد ہے۔
