نوشہرہ ورکاں ، 29 جون ( اے پی پی ):نوشہرہ ورکاں اور گردونواح میں شمال مغربی ٹھنڈی ہواؤں کے ساتھ تیز بارش کا آغاز ہوگیا۔ بارش سے گرمی کا زور ٹوٹ گیا سہ پہر کو بادلوں کی آمد سے شہریوں میں خوشی کی لہر دوڑ گئی۔
ٹھنڈی ہواوں سے موسم خوشگوار اور شہریوں نے سکھ کا سانس لیا۔ کئی ہفتوں سے گرمی کے ستائے شہری اور بچے موسم انجوائے کرنے کے لیے گھروں سے باہر نکل آئے ، تیز بارش سے شاہراؤں اور گلی محلوں میں پانی بھر گیا ،ٹمپریچر 42 سے 36 تک گر گیا ، موسم خوشگوار ہو گیا ہے اور گرجتے بادلوں کےبسیرے سے مزید بارش کا امکان ہے ۔
