جدہ،03 اگست (اے پی پی ):جدہ سیزن کے تحت پاکستان اور انڈونیشیا میوزک تفریحیپروگرام منعقد ہوا جس میں ہزاروں پاکستانیوں نے شرکت کی ۔موسیقی کی شام میں پاکستانی مشہور گلوکارہ آئمہ بیگ ، بلال سعید ،سونو ڈانس گروپ ،اور انڈونیشیا کی صف اول کی گلوکار ہ لیڈی را را نے گیت پیش کئے ،لیڈی رارا نے انڈونیشیا کی زبان کے علاوہ راحت فتح علیخان کا اردو میں گیت گاکر سامعین سے خوب داد حاصل کی ۔
پروگرام میں سونی ڈانس گروپ نے صوبہ بلوچستان اور سرحد کے علاقائی رقص پیش کئے ۔آئمہ بیگ اور بلال سعید کے ساتھ بھی ڈانس گروپ نے اپنے فن کا مظاہرہ کیا ۔
سامعین میں سعودی خاندان ،او آئی سی کے اسسٹنٹ سیکریٹری جنرل آفتاب کھوکر، پاکستان اور انڈونیشیا کے سفارت کار موجود تھے ۔اس موقع پر موسیقی کا لطف اٹھاتے ہوئے سامعین نے سعودی حکومت کا شکریہ ادا کیا کہ وہ سعودی عوام کے ساتھ ساتھ دیگر ممالک کے لوگوں کی تفریح کا بھر پور خیال رکھتے ہیں۔
