ملتان ۔17مارچ(اے پی پی):ڈائریکٹر جنرل ایم ڈی اے رانا سلیم احمد خان کی ہدایات پر عمل درآمد کرتے ہوئے ایم ڈی اے انفورسمنٹ ٹیم نے غیر قانونی تعمیرات و قبضہ مافیا کے خلاف بھرپور کارروائی کی ۔
ایم ڈی اے انفورسمنٹ ٹیم نے غیر قانونی تعمیرات و قبضہ مافیا کے خلاف کاروائی کرتے ہوئے بہاولپور روڈ القائم ٹاؤن میں بہار حسین کی جانب سے پارک کی جگہ پر قبضہ کی صورت میں 21 مرلہ جگہ پر بنائے گئے تین کمرشل ہالز کو ہیوی مشینری کا استعمال کرتے ہوئے مسمار کر دیا۔
جبکہ وزیر اعلیٰ مریم نواز صاحبہ کے ویژن ستھرا پنجاب کے تحت تجاوزات کے خلاف کاروائی کرتے ہوئے وہاڑی چوک،چوک کمہاراں والا،قصوری چوک،ایم اے جناح روڈ،ایم ڈی اے کوآپریٹو ہاؤسنگ سوسائٹی روڈ و نگانہ چوک تک روڈ سائیڈز کو تجاوزات سے کلیئر کروا دیا۔
