اسلام آباد،15 جون (اے پی پی): رکن قومی اسمبلی لطیف کھوسہ نے ایوان سے خطاب کرتے ہوئے کہا کہ مسلم امہ کو متحد ہونا ہوگا کیونکہ 57 اسلامی ممالک مل کر کھڑے ہوں تو اسرائیل اور نیتن یاہو کا کوئی مقابلہ نہیں۔
لطیف کھوسہ نے کہا کہ مسلم امہ کو اس سے سبق سیکھنا چاہیے کیونکہ مسلم امہ کو متحد ہونا ہے۔ مسلم دنیا کے 57 ممالک ہیں اور اگر ہم متحد کھڑے ہوں تو نیتن یاہو اور اسرائیل بالکل مقابلہ نہیں کر سکتے۔ انہوں نے کہا کہ اسرائیل کو عالمی عدالت انصاف نے دہشت گرد قرار دیا ہے ، جو دنیا میں تباہی مچا رہا ہے،ہمیں بہت محتاط رہنا ہوگا کیونکہ جمعہ تک ابھی بہت فاصلہ ہے، لب اور کپ کے درمیان بہت فاصلہ ہے۔
لطیف کھوسہ نے کہا کہ پاکستان نے ہمیشہ ایک متحد کرنے والی قوت کا کردار ادا کیا ہے۔ 1975 میں ذوالفقار علی بھٹو نے لاہور میں تمام مسلمانوں کو متحد کیا۔ انہوں نے قیادت سنبھالی اور مسلم دنیا کو بتایا کہ ہمیں اسلامی اتحاد کی ضرورت ہے۔ لطیف کھوسہ نے کہا کہ پاکستان آپ کے ساتھ کھڑا ہے سر پاکستان ایران کے ساتھ کھڑا ہے پاکستان مسلم دنیا کے ساتھ کھڑا ہے۔
انہوں نے کہا کہ مجھے امید ہے کہ خلیجی ریاستیں بھی سمجھیں گی کہ سپر پاور یا اسرائیل یا نیتن یاہو کے لیے مسلم دنیا میں اڈے رکھنے کی کوئی گنجائش نہیں کیونکہ ان اڈوں سے سپر پاور یا نیتن یاہو ایران کے خلاف کارروائی کرنے میں کامیاب رہے۔ انہوں نے کہا کہ ایرانیوں نے اپنے دفاع میں ردعمل دیا اگرچہ نقصان بھی ہوا لیکن بہرحال میں ایرانیوں کو اس شاندار کمایابی پر مبارکباد دیتا ہوں۔
لطیف کھوسہ نے کہا کہ اپوزیشن کی جانب سے، میں اپنی طرف سے آپ کے ساتھ متحد کھڑا ہوں، جہاں تک ایران کا تعلق ہے پورا ایوان متحد کھڑا ہے، ہم آپ کے ساتھ کھڑے ہیں اور ہم آپ کی جرات، صبر اور حوصلے کو سلام پیش کرتے ہیں۔
