اسلام آباد 23 فروری (اے پی پی): پاک بحریہ کے جہازوں پی این ایس طارق اور پی این ایس ہمت نے آج متحدہ عرب امارات کا دورہ کیا اور بین الاقوامی بحری دفاعی نمائش سمیت باہمی مشق میں بھرپور حصہ لیا ۔
ترجمان پاک بحریہ کے مطابق مشق کے دوران مختلف جنگی مہارتوں اور میری ٹائم سکیورٹی آپریشنز کا عملی مظاہرہ کیا گیا۔پاک بحریہ کے وائس ایڈمرل عبدالعلیم نے فلیٹ کمانڈر یو اے ای نیول فورسز کے ساتھ پی این ایس طارق سے مشق کا مشاہدہ کیا ۔
دورے کے دوران پاکستان نیوی کے وائس ایڈمرل عبدالعلیم نے یو اے ای نیول فورسز کے ڈپٹی کمانڈرسے بھی ملاقات کی جس میں باہمی دلچسپی کے پیشہ ورانہ امور اور دوطرفہ دفاعی تعاون پر تبادلہ خیال کیا گیا ۔ مختلف ممالک کے سفارت کاروں ، یو اے ای کے عسکری اور سول حکام اورپاکستان کی دفاعی پیداور کی وزیر زبیدہ جلال نے بھی پاک بحریہ کے جہازوں کا دورہ کیا۔
ترجمان کے مطابق پاکستان نیوی کے جہازوں کے اس دورے سے دونوں ممالک کے درمیان برادرانہ تعلقات کو مزید فروغ ملے گا۔
اے پی پی/ حمزہ رحمٰن/طاہرمحموداعوان
وی این ایس اسلام آباد
