چنیوٹ، 03 مئی (اے پی پی): ڈپٹی کمشنر محمد ریاض اور ڈسٹرکٹ پولیس آفیسر سید حسنین حیدر نے علی الصبح سبزی و فروٹ منڈی کا دورہ کیا اور سبزی و فروٹ کی نیلامی کے جائزے سمیت اشیاء کے معیار،مقدار کو چیک کیا۔
اس موقع پر ریٹ لسٹس بھی چیک کی گئیں اور خریدداری کے لیے آنے والے لوگوں سے ریٹس معلوم کیے گئے اور مارکیٹ میں مارکیٹ کمیٹی کے عملہ سمیت دیگر متعلقہ افسران کو حاضر رہنے کی ہدایت کی گئی۔
اس موقع پر ڈپٹی کمشنر محمد ریاض اور ڈی پی او سید حسنین حیدر کا گفتگو کرتے ہوئے کہنا تھا کہ غیر معیاری اور مہنگی اشیاء کسی صورت بھی منڈی میں فروخت نہ کی جائیں اور روزمرہ کی ضروریات زندگی کی اشیاء کا ریٹ حکومت کے مقرر کردہ نرخوں کے مطابق ہو۔
انہوں نے کہا کہ گرانفروشوں،ذخیرہ اندوزوں، ناقص اشیاء بیچنے اور ملاوٹ کرنے والوں کے خلاف کاروائی عمل میں لائی جائے گی۔
اے پی پی/ملک محمد علی/حامد
