اسلام آباد، 8 مئی (اے پی پی): وزیرِاعظم عمران خان سے وزیر برائے سائنس اینڈ ٹیکنالوجی چوہدری فواد احمد نے ملاقات کی۔ جمعہ کو وزیراعظم آفس میں ہونے والی ملاقات میں وزیرِ سائنس اینڈ ٹیکنالوجی نے وزیراعظم کو”میڈ ان پاکستان انیشیٹیو” (منصوبے) کے بارے میں بریف کیا۔
وزیرِ سائنس اینڈ ٹیکنالوجی نے کورونا وائرس کے حوالہ سے پاکستان میں تیار کی جانے والی مصنوعات مثلاً مختلف قسم کے ماسک، حفاظتی لباس و دیگر مصنوعات کے بارے میں وزیراعظم کو تفصیلی بریفنگ دی۔ وزیراعظم نے میڈ ان پاکستان منصوبے، کورونا وائرس سے متعلقہ مصنوعات کی تیاری و دیگر اقدامات پر وزیر سائنس اینڈ ٹیکنالوجی اور وزارت کی کارکردگی کو سراہا۔ ملاقات میں وزارتِ سائنس اینڈ ٹیکنالوجی کی جانب سے بائیو ٹیکنالوجی پارک کے قیام اور زرعی آلات کی تیاری جیسے منصوبوں پر بھی تبادلہ خیال کیا گیا۔
اے پی پی /ڈیسک/حامد
