سکھر،8 اگست(اے پی پی):سکھر، روہڑی، خیرپور، گھوٹکی ، پنو عاقل شکار پور سمیت سندھ کے مختلف علاقوں میں تیز موسلا دھار بارش ہوئی، جس کے نتیجہ میں گرمی کا زور ٹوٹ گیا۔
وقفے وقفے سے ہونیوالی بارش کے باعث مختلف زیریں مقامات، سڑکوں اور محلوں میں پانی جمع ہو گیا ۔علاقے تالاب کا نقشہ پیش کر رہے ہیں جبکہ بار ش کے باعث کاروبار زندگی بری طرح متاثر ہوا ہے۔سکھرکے علاقوں پرانا سکھر ، نیوتاپنڈ ، مائیکرو کالونی ، بھوسہ لائن ، مینارہ روڈ ، گولیمار ، گھاٹ گھر ، غریب آباد ، اسٹیشن روڈ ، حسینی روڈ اور دیگر علاقوں میں بارش کا پانی جمع ہوگیا ہے۔ بارش کا آغاز ہوتے ہی سکھر ، گھوٹکی ، خیرپور ، جیکب آباد ،کندھ کوٹ، لاڑکانہ ، نوشہروفیروز ، دادو سمیت مختلف علاقوں میں بجلی فراہم کرنیوالے سیپکوکے درجنوں فیڈر ٹرپ ہو گئے جس کے نتیجہ میں علاقوںمیں بجلی کی فراہمی معطل ہو گئی، بارشوں سے قبل انتظامات نہ ہونے کی وجہ سے شہر میں بارش کا پانی جمع ہوگیا۔
محکمہ موسمیات کے مطابق سکھرسمیت بالائی و شمالی سندھ کے دیگر شہروں میں بارش کی پیشگوئی کی گئی تھی۔
وی این ایس ، سکھر
