لاہور13 اکتوبر:(اے پی پی): صوبائی وزیر صحت ڈاکٹر یاسمین راشدکی زیر صدارت محکمہ سپیشلائزڈ ہیلتھ کئیراینڈ میڈیکل ایجوکیشن میں پنجاب مینٹل ہیلتھ اتھارٹی کا تیسرا اجلاس منعقد ہوا۔ اجلاس کے دوران نئی ٹاسک فورس کے ممبران کی منظوری بھی دی گئی۔صوبائی وزیر صحت ڈاکٹر یاسمین راشد نے کمیونٹی کی سطح پرمینٹل ہیلتھ کا دائرہ کا پورے صوبہ میں بڑھانے کی ہدایت کی۔
ڈاکٹر یاسمین راشد نے کہا کہ پنجاب میں ذہنی امراض میں مبتلا مریضوں کی رجسٹریشن انتہائی اہم ہے۔ انہوں نے کہا کہ بورڈ آف وزٹرز کے دفاتر ڈویژن کی سطح پر قائم کئے جائیں۔ ڈاکٹر یاسمین راشد نے معاشرہ میں ذہنی امراض اور علاج کے بارے میں آگاہی پھیلانے کی ضرورت پر زور دیا۔ صوبہ بھرمیں ذہنی امراض کے مریض رجسٹرکروانے یا معلومات حاصل کرنے کیلئے ہیلپ لائن بھی قائم کی جائے گی۔ پنجاب ہیلتھ اتھارٹی کے ایکٹ کو ریوائز کیاجائے گا۔ڈاکٹریاسمین راشد نے کہا کہ کلینیکل سائیکلوجسٹ کو بھی بورڈ آف وزٹرزمیں شامل کیاجائے گا۔پنجاب انسٹی ٹیوٹ آف مینٹل ہیلتھ کی استدکارکومزیدبڑھایاجارہاہے۔
