لاہور،8 فروری (اے پی پی):حکومت پنجاب وزیر اعظم پاکستان کے ریاست مدینہ بنانے کے وعدے کو عملی جامہ پہنانے پر تیزی سے کاربند عمل ہے۔اس سلسلہ میں جامعتہ الا زہر الشریف مصر کے علماء و مشائخ پر مشتمل 5 رکنی وفد کی آج لاہور آمد ہوئی۔وفد نے سب سے پہلے لاہور میں داتا گنج بخش کمپلیکس تشریف لائے۔اس موقع پروزیرا وقاف و مذہبی امور پنجاب سید سعید الحسن شاہ،داتا دربار ایڈمنسٹریٹر خالد محمود سندھو اور دیگر افسران نے وفدکو پھولوں کے گلدستے پیش کئے۔علماء و مشائخ پر مشتمل 5 رکنی وفد میں ڈاکٹر عبد الرحمن حماد چئیرمین ازہری مشن،ڈاکٹر محمد عبدالبصیرخضیری الازہری، ڈاکٹر محمدالراسخالا زہری،ڈاکٹر احمد شبل الا زہری،ڈاکٹر خالد عبدالنبی الازہری شامل ہیں۔وفدنے داتا گنج بخش علی ہجویری کے دربار پر حاضری د ی، پھولوں کی چادر پوشی اور دعا کی۔وزیر اوقاف نے وفد کو داتا دربار کمپلیکس کے مختلف شعبہ جات کا دورہ کرایا گیا۔دارالحدیث جامع ہجویریہ معارف اولیاء میں منعقدہ سیمینار سے خطاب کرتے ہوئے وزیر اوقاف نے وفد کو محکمہ میں کی جانے والے اصلاحتی عمل بارے بریف کیا۔ انہوں نے کہا کہ دنیا بھر میں اسلام تیزی سے پھیل رہا ہے۔ دنیا نے جان لیا ہے کہ دین اسلام ہی تمام مصائب مشکلات کا حل ہے۔اسلام میں جتنا پیار محبت، نظم و ضبط اور حقوق کی ادائیگی کے احکامات دئیے گئے ہیں جس کو اپنا کر ہی ایک خوش حال معاشرہ تشکیل دیا جا سکتا ہے۔ ڈاکٹر عبد الرحمن حماد چیرمین ازہری مشن نے اپنے خطاب میں کہا کہ ان کی آمد کا مقصدقرآن پاک کی تعلیم،سیرت النبیؐ،عربی زبان سمیت تصوف اور سلوک کیلئے جامع ازہر کی زیر سرپرستی مشترکہ کوششیں کرنا ہے۔ انہوں نے کہا کہ پاکستان میں ازہر کی معاونت سے ازہری چئیرکے قیام کے لئے اقدامات اور لائحہ عمل کیا جائے گا۔دینی و عصری تعلیم کی بہتر امتزاج اور یکسان نصاب تعلیم کے لئے مشترکہ کوششیں کی جائیں گی۔علماء و مشائخ کیلئے جامع ازہر میں شش ماہی خطیب کورس میں داخلوں کے مواقع فراہم کئے جائیں گے۔اکٹر عبد الرحمن حماد چیرمین ازہری مشن نے بتایا کہ لاہور میں المعہد الا زہری کے قیام کیلئے اقدامات کئے جائیں گے۔وزیر اوقاف نے وفدکا حکومت پنجاب کی طرف سے اظہار تشکر کیا۔وزیر اوقاف نے نیک تمناؤں کے ساتھ وفد کو تحائف پیش کئے۔ب جامعتہ الا زہر الشریف مصرکے علماء و مشائخ قرآن و سیرت اکیڈمی اپر مال روڈ عد ازاں لاہور کا بھی دورہ کرایا گیا۔
