اسلام آباد، 12 فروری(اے پی پی): وفاقی وزیرداخلہ شیخ رشیداحمد نے کہا ہے کہ گریڈ ایک سے 19 تک کے وفاقی سرکاری ملازمین کی تنخواہوں میں اضافہ کردیا گیا ہے جبکہ صوبائی حکومت کو بھی ہدایت کی گئی ہے کہ ہماری ہدایت پرعمل کی کوشش کریں۔
اپنے دیڈیو پیغام میں وفاقی وزیرداخلہ شیخ رشید نے کہا کہ پمزکے ڈاکٹرز کے ساتھ بھی معاملات خوش اسلوبی سے طے پاگئے ہیں جب کہ ٹی ایل پی کے ساتھ بھی معاملہ طے پاگیا ہے۔انہوں نے کہا کہ پی ڈی ایم نے پوری کوشش کی وہ سرکاری ملازمین کومشتعل کرسکے لیکن پی ڈی ایم اس میں بری طرح ناکام رہی۔
وفاقی وزیرداخلہ شیخ رشیداحمد نے کہا کہ نالہ لئی منصوبے کو دوسال میں مکمل کیا جائے گا، وزیراعظم نے نالہ لئی کے لئے بھی 70 ارب روپے کے فنڈ جاری کرنے کا حکم دیا ہے۔
