پشاور، 5 اپریل(اے پی پی): بی آر ٹی پشاور کی 30 نئی بسیں چین سے پاکستان پہنچ گئیں جن میں سے متعدد پشاور کیلئے روانہ بھی کردی گئیں ہیں۔
ترجمان ٹرانس پشاور محمد عمیر کے مطابق یہ نئی بسیں 18 میٹر کی ڈیزل ہائبریڈ ٹیکنالوجی کی حامل ہیں جنکے آپریشنل ہونے سے بی آر ٹی کو مزید تقویت ملے گی، جبکہ ان نئی بسوں کو ایکسپریس روٹ سمیت دیگر روٹس پر بھی چلایا جائے گا۔
ترجمان ٹرانس پشاور نے مزید کہا کہ بی آر ٹی پشاور میں بسوں کی مجموعی تعداد اب 158 ہو جائے گی جس سے شہریوں کو مزید سہولت میسر آسکے گی۔
