مدینہ، 08 مئی (اے پی پی ): وزیرِ اعظم عمران خان سعودی عرب کے دورے کے دوران روضہ رسول ﷺ پر حاضری کیلئے مدینہ منورہ پہنچ گئے۔ مدینے پہنچنے پر گورنر مدینہ منورہ امیر فیصل بن سلمان بن عبدالعزیز نے وزیرِ اعظم کا استقبال کیا ۔
وزیرِ خارجہ شاہ محمود قریشی، وزیرِ داخلہ شیخ رشید احمد، گورنر سندھ عمران اسماعیل، گورنر خیبر پختونخوا شاہ فرمان، سینیٹر فیصل جاوید خان اور صوبائی وزیر علیم خان سمیت معاونِ خصوصی برائے سیاسی مواصلات ڈاکٹر شہباز گل اور وزیرِ اعظم کے نمائندہ خصوصی برائے مذہبی ہم آہنگی مولانا طاہر اشرفی بھی وزیر اعظم کے ہمراہ تھے۔
