اسلام آباد، مئی 12 (اے پی پی): مرکزی رویت ہلال کمیٹی کا اجلاس مولانا سید محمد عبد الخبیر آزاد کی سربراہی میں اسلام آباد میں جاری ہے۔
بدھ کو ہونے والے اجلاس میں چیئرمین مرکزی رویت ہلال کمیٹی پاکستان نے کہا کہ تمام زونل اور ضلعی کمیٹیوں کے اجلاس بھی اپنے اپنے مقامات پر جاری ہیں۔
انہوں نے کہا کہ اگر اللہ تعالی نے تیس روزے عطا کئے تو ضرور مکمل کئے جائیں گے۔
اگر پاکستان میں کہیں سے شہادت موصول ہوئی تو اسے بھی پرکھا جائے گا۔
چیئرمین مرکزی رویت ہلال کمیٹی نے میڈیا سے درخواست کی کہ کمیٹی کے فیصلے کا انتظار کیا جاۓ اور میڈیا ایسی خبر نہ چلائے جس سے غلط فہمی اور بے چینی پھیلے۔
