نوشہرہ ورکاں ، 30مئی (اے پی پی ): سندس فاونڈیشن کے لیے دعوت اسلامی نوشہرہ ورکاں کے زیراہتمام بلڈ ڈونیشن کیمپ کا انعقاد غوثیہ مسجد میں واقع مدرسہ المدینہ میں کیا گیا ،تھیلیسیمیا اور بلڈ کینسر کے مرض میں مبتلا بچوںکو بلڈ کی ضرورت پوری کرنے کی نظر سے دعوت اسلامی نوشہرہ ورکاں کی جانب سے لگائے گئے کیمپ میں درجنوں افراد نے کیمپ میں پہنچ کر بلڈ کا عطیہ دیا۔ تھیلیسیمیا اور بلڈ کینسر کے مرض میں مبتلا بچوں کو بلڈ کا عطیہ دینے کی غرض سے لگائے گئے کیمپ کے آرگنائزرز محمد طارق رضا عطاری، حافظ ظل ربانیاور دیگر ساتھی بلڈ ڈونرز نوجوانوں کو ویلکم کرتے رہے اور صدر پریس کلب رجسٹرڈ نوشہرہ ورکاں میاں عمران بشیر نے دیگر ساتھیوں کے ھمراہ کیمپ کا وزٹ کیا اور خود بھی خون کا عطیہ دیا۔ ایک روزہ کیمپ میں148 بلڈ بیگ تھیلیسیمیا اور بلڈ کینسر کے مریض بچوں کے لیے عطیہ ہوئے۔
کیمپ میں سندس فاونڈیشن گوجرانوالہ کا عملہ بلڈ کے حصول کے لیے متحرک رہا اور خواہشمند افراد کا بلڈ لینے سے قبل انکے تمام میڈیکل ٹیسٹ بھی لیے گئے،دعوت اسلامی نوشہرہ ورکاں کی جانب سے تھیلیسیمیا کے مرض میں مبتلا بچوں کے لیے بلڈ کیمپ لگائے جانے کی نیک کاوش کو عوامی حلقوں میں سراہا گیا ہے۔
