سکھر،03ستمبر(اے پی پی ): کسٹم کے عملے نے اسٹنٹ کلیکٹر محمد عرفان منگی اورانسپکٹر شاہ محمد و دیگر کی قیادت میں جیکب آباد کے قریب بائی پاس پر اندرون سندھ کی طرف آنے والے ایک دس ویلر ٹرک کو تعاقب کے بعد روک کر اس میں سیبوں کی پیٹیوں کے نیچے بنائے گئے ایک کنسیلڈ فلور سے چھالیہ سے بھرے 170 بورے برآمد کرلیے اورٹرک کو اپنی تحویل میں لے لیا۔
اسٹنٹ کیلکٹر کے مطابق ٹرک میں سے برآمد ہونے والی چھالیہ کا وزن 3400کلوگرام (ساڑھے تین ٹن ) سے زائد ہے، برآمد شدہ چھالیہ اور سیبوں کی مالیت ایک کروڑبیس لاکھ روپے سے زائد ہے جو جیکب آباد سے اندرون سندھ کے مختلف شہروں میں اسمگل کی جارہی تھی۔
ان کا کہنا تھا کہ سکھر کسٹم کی جانب سے اسمگلنگ کی روک تھام کے لیے اس طرح کی کارروائیوں کا سلسلہ جاری رکھا جائے گا۔
