سکھر،3 ستمبر (اے پی پی) :پاکستان پیپلز پارٹی کے رہنما سید خورشید شاہ کو دو سال بعد جیل منتقل کردیا گیا ،آمدن سے زائد اثاثہ جات کیس میں گرفتار ر ہنما دوبرس سے اسپتال میں زیر علاج تھے ۔ سید خورشید احمد شاہ کو نیب نے دو سال قبل 18 ستمبر کو ایک ارب 23 کروڑ روپے سے زائد آمدن کے اثاثے بنانے کے الزام میں گرفتار کیا تھا ۔
سید خورشید احمد شاہ کو سکھر کے این آئی سی وی ڈی اسپتال سےایمبولینس کے ذریعے سینٹرل جیل سکھر لے جایا گیا۔وہ گزشتہ اٹھارہ ماہ سے عارضہ قلب میں مبتلا ہونے کی وجہ سے ہسپتال میں زیر علاج تھے ۔
خورشید شاہ کو دو برس قبل نیب نے اسلام آباد سے گرفتار کیا تھا اور راہداری ریمانڈ لے کر ان کو سکھر لایا گیاتھا جہاں پر نیب کی تحویل میں ان کی طبیعت خراب ہونے پر انہیں این آئی سی وی ڈی اسپتال منتقل کیا گیا تھا۔
