اٹک۔9ستمبر (اے پی پی):تفتیش میں بہتری کیلئے پنجاب فرانزک سائنس ایجنسی، کرائم سین یونٹ نے پولیس لائنز اٹک میں سیمینار کا انعقاد کیا گیا جس میں پنجاب فرانزک سائنس ایجنسی کا تعارف کروایا گیا اور کرائم سین انوسٹی گیشن یونٹ کے کردار کے حوالے سے آگاہی دی گئی،انچارج PFSAراولپنڈی ڈاکٹر ادریش نے جدید سائنسی طریقہ کار اختیار کرتے ہوئے شواہد کے حصول کے حوالے سے لیکچر دیا۔انہوں نے کسی بھی مقدمے میں شہادتوں کی اہمیت اور جائے وقوعہ پر شواہد کو محفوظ بنانے کے حوالے سے آگاہی دیتے ہوئے کہا کہ جب بھی کوئی کرائم ہو تو سب سے پہلے فرانزک ٹیم کو موقع پر بلائیں،کرائم ایریا کو مکمل کور کریں تاکہ شہادتیں ضائع نہ ہوں،ملزمان سے منشیات برآمد ہونے پرپارسل بنائیں، انہوں نے کہاکہ انوسٹی گیشن افسران وقوع پر موجود شہادتوں کو محفوظ بنائیں،شہادتیں ضائع ہونے سے ملزمان عدالتوں سے بری ہوجاتے ہیں۔
