چنیوٹ،16ستمبر (اے پی پی): ریجنل پولیس آفیسر فیصل آباد عمران محمود نے ضلع چنیوٹ کا دورہ کیا۔پولیس کے چاک و چوبند دستے نے آر پی او کو سلامی دی۔آر پی او نے یادگار شہداء پر پھولوں کی چادر چڑھائی،شہداء کے درجات کی بلندی کیلئے دعا کی۔آر پی او نے شہدائے پولیس کی قربانیوں کو خراج تحسین پیش کیا۔
آر پی او عمران محمود نے ڈسٹرکٹ پولیس آفیسر چنیوٹ بلال ظفر کے ہمراہ پولیس افسران سے میٹنگ کی۔میٹنگ میں ایس پی انوسٹی گیشن میڈم کوثر پروین،ڈی ایس پیز،ایس ایچ اوز اور دیگر افسرا ن نے شرکت کی۔دوران میٹنگ ضلع میں امن و امان کی صورتحال،زیرتفتیش مقدمات،کرائم کی صورتحال کا جائزہ لیا گیا۔
آر پی او نے تھانہ وائزکرائم،زیرتفتیش مقدمات،ریکارڈ کا جائزہ لیا۔آر پی او نے تھانہ جات کا مکمل ریکارڈ ایس او پیز کے مطابق اپ ٹو ڈیٹ رکھنے کی ہدایت کی۔آرپی او نے پولیس افسران سے خطاب کرتے ہوئے کہا کہ تھانہ جات میں لوگوں کی دادرسی کو یقینی بنایا جائے،لوگوں کی جان و مال کی حفاظت کو یقینی بنانے کیلئے تمام ممکن اقدامات کیے جائیں۔آئی جی پنجاب کے وژن کے مطابق انصاف کی فراہمی یقینی بناتے ہوئے پبلک سروس ڈلیوری کو بہتر کیا جائے۔بدمعاشوں،عادی مجرمان کی ہسٹری شیٹس تھانوں ک رجسٹر ہائے میں اپڈیٹ کیے جائیں۔بدمعاشوں،قبضہ مافیا،قبضہ مافیا کی سرپرستی کرنے والے افراد کیخلاف کریک ڈاؤن کیا جائے۔قانون کے برابر نفاذ پر عملدرآمد کرکے قانون کی بالادستی کو ہرصورت یقینی بنایا جائے۔مربوط حکمت عملی سے مجرمان اشتہاریوں کیخلاف کاروائیاں کی جائیں۔جرائم پیشہ عناصر،منشیات فروشوں کیخلاف بھرپور کاروائیاں کی جائیں۔پولیس افسران اپنا مورال بلند رکھتے ہوئے خدمت خلق سمجھ کر اپنے فرائض منصبی سرانجام دیں۔
