لاہور یکم دسمبر ( اے پی پی ) وزیر اعلیٰ پنجاب کے معاون خصوصی برائے اطلاعات حسان خاور نے کہا ہے کہ احسن اقبال بیان حلفی اور آڈیوز سے لا تعلقی کا اظہار کر رہے ہیں جبکہ ان کی پارٹی اس کا دفاع کر رہی ہے عدالت میں سابق جج رانا شمیم نے بھی بیان حلفی بارے متضاد بیانات دئیے ہیں ۔آئے روز آڈیو اور ویڈیو آ رہی ہیں اب ان حربوں سے آگے بڑھ کر سنجیدہ سیاست کرنی چاہیےبلاول بھٹو نے بھی بڑی شعلہ بیان تقریر کی سمجھ نہیں آتی ان کی سیاست کا اصل چہرہ کیا ہےان کی شوگر ملز اور کاروبار دن رات ترقی کیسے کر رہے ہیں ان کا صوبہ نیچے جا رہا ہے کاروبار اوپر جا رہا ہے وہ اندرون سندھ کے عوام کی حالت زار سے وہ واقف بھی نہیں ان کو ان عوام کے بارے بھی سوچنا چاہیے ۔ان خیالات کا اظہار انہوں نے پنجاب یونیورسٹی میں میڈیا سے گفتگو کرتے ہوئے کیا ۔انہوں نے کہا کہ نسلہ ٹاور ک قصہ بھی سب کے سامنے ہےیہ کرپشن کی داستان ہے کس طرح قوانین کی خلاف ورزی کر کے جائیداد بنائی گئیں یہ نسلہ نہیں پورے سندھ کا مسئلہ ہے راؤ انوار جیسے ان کے بچے ہیں۔انہوں نے کہا کہ ان کی سیاست میں دم ہوتا تو ان کے پاس سندھ کے علاؤہ تمام صوبوں میں امیدوار ہوتے بینظیر بھٹو ان کو چاروں صوبوں کی زنجیر دے کر گئی اب ان کے پاس صرف سندھ ہی بچا ہے وہ بھی لڑکھڑا رہا ہے ۔انہوں نے کہا کہ کاروبار حکومت چلانے کے لیے اشتہار دئیے جاتے ہیں ہم میرٹ پر اشتہارات دے رہے ہیں ہمارے تمام منصوبے سب کے سامنے ہیں سوائے اپوزیشن کے سب کو ترقی نظر آ رہی ہے۔
