ڈیرہ
بگٹی،17مئی(اے پی پی ): ہیضہ کی وباء سے متاثرہ ڈیرہ بگٹی کے علاقے پیر کوہ میں 10 بستروں پر مشتمل ایک عارضی ہسپتال گرلز ہائی سکول پیر کوہ میں قائم کر دیا گیا ہے، جس میں وباء پر قابو پانے کیلئے تمام سہولیات بمعہ ڈاکٹرز اور پیرامیڈیکل سٹاف موجود رہے گے،اس ہسپتال میں ہیڈکوارٹرز فرنٹیئرکور کی جانب سے 8 لاکھ کی ادویات فراہم کر دی گئی ہیں، مریضوں کے تمام لیب ٹیسٹ بھی مفت میں کیے جا رہے ہیں، اسکے علاوہ پانی کے 26 بائوزرز مسلسل پانی کی فراہمی میں مصروف ہیں۔
اس موقع پر علاقہ مکینوں کی جانب سے ایف سی کے عوام دوست اقدامات کو سراہا۔
