اسلام آباد، 15 جولائی (اے پی پی ): وزیراعظم محمد شہباز شریف کی عوام کیلئے بڑی خوشخبری ، وزیر اعظم نے پیٹرولیم مصنوعات کی قیمتوں میں کمی کا اعلان کیا ہے ۔
قوم کے نام اہم پیغام میں وزیر اعظم نے کہا کہ ڈیزل40 روپے 54 پیسے اور پیٹرول کی قیمت میں 18 روپے 50 پیسے کی کمی ہے۔
وزیراعظم نے کہا کہ آئی ایم ایف کے ساتھ معاہدہ ہوچکا، خدا کرے کہ یہ آخری معاہدہ ہو اور ملک خود انحصاری کی راہ پر گامزن ہوجائے۔انہوں نے کہا کہ نیلم جہلم منصوبے پر 7 سال کے بجائے 20 سال لگ گئے ہیں۔انہوں نے کہا کہ زراعت، انفارمیشن ٹیکنالوجی اور برآمدات کے شعبہ میں انقلابی اقدامات کر رہے ہیں۔
