اسلام آباد، 28 جولائی (اے پی پی ): پاک فضائیہ میں قابلِ فخر خدمات سرانجام دینے والے افسران اور جونئیر کمیشنڈ آفیسرز کو نان آپریشنل فوجی اعزازات سے نوازانے کیلئے جمعرات کو یہاں ائیر ہیڈ کوارٹرز میں پروقار تقریب کا انعقاد کیا گیا۔سربراہ پاک فضائیہ ائیر چیف مارشل ظہیر احمد بابر سدھو اس تقریب کے مہمان خصوصی تھے۔
تقریب میں ائیر وائس مارشل عاصم راشد ملک، ائیر وائس مارشل محمد احسان الحق اور پاک فضائیہ کے 40 دیگر افسران کو ستارہ امتیاز(ملٹری) جبکہ 36 افسران کو تمغہ امتیاز(ملٹری) سے نوازا گیا۔ پاک فضائیہ کے 25 جونیئر کمیشنڈ افسران کو بھی تمغہ خدمت ملٹری( درجہ اول) عطا کیا گیا۔
یہ اعزازات فرائض کی ادائیگی کے دوران اعلیٰ کارکردگی اور بہترین خدمات کے اعتراف میں دئیے جاتے ہیں۔ تقریب میں بڑی تعداد میں پاک فضائیہ کے اعلیٰ حکام، افسران اور ائیرمین نے شرکت کی۔
