ملتان ،01 دسمبر(اے پی پی پی ):میپکو سپورٹس کمیٹی کے زیر اہتمام سپورٹس کمپلیکس ملتان میں خان ٹائیگر تیکوانڈو اکیڈمی کے چھوتے بیلٹ پروموشن ٹیسٹ کا انعقاد کیا گیا۔ ٹیسٹ کے چیف ایگزامینر گرینڈ ماسٹر اکبر خان نیازی،جمال غنی، ثاقب خالد ، حاجی محمد ندیم اور محمد عمران تھے۔
تقریب کے چیف آرگنائزر انٹرنیشنل سرٹیفائیڈ واپڈا ٹیم کے کوچ ناصر علی شاہ، آصف علی شاہ اور نبیل کیانی تھے۔ ریفری کے فرائض ثمرانہ عطاء، شہزادہ گلفام اور محمد عدنان بھٹی(نیشنل گولڈ میڈلسٹ)،اسامہ خان اور ابوبکر نے ادا کیے۔ اس پروگرام کے مہمان خصوصی میپکو سپورٹس کمیٹی کے صدر چوہدری خالد محمود ، جنرل سیکرٹری سپورٹس حیدر عثمان اٹھنگل، سپورٹس آفیسر میپکو میڈم رضیہ سلطانہ ، ڈپٹی ڈائریکٹر انسپیکشن رانا تنویر احمد اور ڈائیرکٹر پبلک ریلیشنز میپکو جمشید نیازی تھے۔
کامیاب کھلاڑیوں میں مہمان خصوصی نے کلر بیلٹس، سرٹیفیکیٹس، کیش اور پوزیشن حاصل کرنے والوں میں شیلڈز تقسیم کیں۔
زوہا سہیل فاطمہ تلزہرہ تیمور احمد، سعد تنویر،کونین احمد،محمد آ یان خلیق،سید محمد علی نقوی،رفع بن وقار، اور محمد محد نے گرین بیلٹ حاصل کی اور زوہا علی،ایمن علی ایمان فاطمہ، حریم عارف، انایا علی،آمنہ علی،فاطمہ علی،فضہ علی، عزہ طارق،زمل خان، آمنہ زاہد، نبیلہ جاوید، عائشہ صدیقہ،محمد عبداللہ،عبدالوہاب، عبدالمعیز ارشد، احمد زاہد، مشف رمضان، سعد شبیر،حسنین ماجد، ریان شہباز، سالوم احمد،اور عبدالحنان نے یلو بیلٹ حاصل کیں۔سیماب زہرہ،محمد مجتبیٰ،شاہزیب توقیر،احسن توقیر، سفیر احمد، نے بلیو بیلٹ حاصل کی جبکہ علی محمد اور عبدالرحمان نے اوونج بیلٹ حاصل کیں۔
سب سے آخر میں میپکو سپورٹس کمیٹی کے صدر چوہدری خالد محمود نے خطاب کرتے ہوئے کہا کہ میپکو سپورٹس کمپلیکس میں تیکوانڈو اکیڈمی کا مقصد ملازمین کے بچوں کو انٹرنیشنل سرٹیفائیڈ کوچ کے زیر نگرانی سیلف ڈیفنس سیکھانا اور معاشرے کا اچھا شہری بنانا ہے۔
سیکرٹری سپورٹس حیدر عثمان اٹھنگل نے خطاب کرتے ہوئے کہا کہ تیکوانڈو کھیل بچوں میں خود اعتمادی پیدا کرنے کا اچھا ذریعہ ہے۔ سپورٹس آفیسر میڈم رضیہ سلطانہ نے خطاب کرتے ہوئے کہا کہ تیکوانڈو کھیل بچوں کی جسمانی صحت کے ساتھ ساتھ زہنی صلاحیتوں کو بھی اجاگر کرتا ہے۔
