سیالکوٹ، 29 دسمبر (اے پی پی): ڈپٹی کمشنر عبداللہ خرم نیازی نے کہا ہے کہ شہریوں کی شکایات پر سیالکوٹ میں بھکاریوں کے خلاف فوری کریک ڈاؤن کا فیصلہ کیا گیا ہے ، جس کی مانیٹرنگ کے لیے اسسٹنٹ کمشنر کی سربراہی میں کمیٹی تشکیل دے دی گئی ہے ۔
اسسٹنٹ کمشنر (اے سی) سیالکوٹ سفیان دلاور انسداد بھیک مانگنے والی کمیٹی کے سربراہ جبکہ ڈی او سوشل ویلفیئر سیکرٹری ہوں گے۔ اس دوران اے سی ایچ آر، ڈی ایس پی ہیڈ کوارٹر، ڈی ایس پی ٹریفک اور ڈسٹرکٹ انچارج چائلڈ پروٹیکشن بیورو ممبران ہوں گے۔
ڈپٹی کمشنر نے کمیٹی کو ہدایت کی کہ روزانہ کی بنیاد پر کارروائی کی جائے، بھکاریوں کے خلاف مقدمات کا اندراج کیا جائے اور گرفتار افراد کے خلاف قانون کے مطابق کارروائی کی جائے۔
