انتہائی کم افرادی قوت کے ساتھ  کسٹمز کوئٹہ  دور دراز  علاقوں  میں   بڑی تندہی سے سر گرم عمل ہیں کلیکٹرکسٹم عرفان الرحمن خان

کوئٹہ،11ستمبر(اےپی پی): کلیکٹرکسٹم عرفان الرحمن خان نے کہا ہے کہ وفاقی حکومت کی ہدایات پر فیڈرل بورڈ آف ریونیو نے  خوردنی اشیاء خاص کر چینی کی اسمگلنگ کے خلاف سخت ترین پالیسی کو مدنظر رکھتے ہوئے ممبر کسٹم آپریشن زیبا حئ اظہر  اور چیف کلیکٹر کسٹمز بلوچستان عبدالقادر میمن کی واضح ہدایات پر بلوچستان میں سمگلنگ کے خلاف  کامیاب کاروائیاں کی جاری ہیں ۔کوئٹہ کسٹم کا چینی کی اسمگلنگ روکنے کے خلاف کریک  ڈاؤن کرتے ہوئے 2600 پارسلز چینی برآمد کرلی ہے، انتہائی مشکل حالات  اور انتہائی کم افرادی قوت کے ساتھ  کسٹمز کوئٹہ  صوبہ کے دور دراز  علاقے میں بڑی تندہی سے سر گرم عمل ہیں۔

 کلیکٹرکسٹم بلوچستان عرفان الرحمن خان نے کہاہے کہ کوئٹہ کسٹم نے اسمگلنگ  کے خلاف کریک ڈاؤن  کے دوران چینی کی اسمگلنگ کی کوشش ناکام بنا تے  ہوئے ، دو 6 وئیلرز ٹرکوں سے جو کوئٹہ ژوب روٹ پر شک کی بنا پر روکے گئے تھے سے  تلاشی کے دوران 800 پارسلز چینی برآمد کی۔ اس موقع پر دکھائی گئی چینی کی NOC کی تصدیق نہیں ہوسکی۔

  کلیکٹرکسٹم بلوچستان عرفان الرحمن خان  نے کہا کہ کوئٹہ کے قریب کسٹم انفورسمنٹ لکپاس نے دوسری کاروائی کرتے ہوئے  ایف سی بلوچستان کے تعاون سے  1800 پارسلز چینی مختلف گاڑیوں سے برآمدکرلی گئی ہے دونوں کاروائیوں میں 2600  پارسلز چینی برآمد کی گئی ہیں کاروائیوں میں ایک لاکھ تیس ہزار کلو گرام چینی برآمد کی گئی ہےچینی بمعہ گاڑیوں کی قیمت کروڑوں میں بنتی ہیں۔ چینی  تحویل میں لے کر قانونی کارروائی شروع کردی گئی ہے۔

 کوئٹہ کسٹم   کی اسمگلنگ اور ا سمگلروں  کے خلاف  سخت ترین اور کامیاب کاروائیاں جاری ہیں،کلیکٹر کسٹمز انفورسمنٹ کوئٹہ عرفان الرحمن خان،  ایڈشنل کلیکٹر عمر شفیق  ، ڈپٹی کلیکٹر اسد علیم،اسسٹنٹ کلیکٹر حسیب احمد کی ہدایات پرسینئر فیلڈ انفورسمنٹ آفیسر زیارت کراس مسعود جمالی اور سینئر انفورسمنٹ آفیسر لکپاس  فرید رند بمعہ ان کے ٹیم میں موجود انسپکٹر علی مندوخیل،  انسپکٹر سفیان ہاشمی،  انسپکٹر ارسلان سرور بازئی، انسپکٹر کنور احسن خان، انسپکٹر محمد آصف،  انسپکٹر کاشف او ر کلاس فور اسٹاف نے موجودہ کاروائیاں  سر انجام دیں۔