ساہیوال،08 نومبر(اے پی پی): :شہر میں جاری پسپ پروگرام کے تحت سیوریج لائن بچھانے کا کام کرنے والی چینی کمپنی چائنا گانسو کمپنی کو مقررہ وقت کی پابندی نہ کرنے پر مزید 5کروڑ 5لاکھ47ہزار روپے جرمانہ عائد کر دیاگیا ہے۔
کمشنر ساہیوال ڈویژن شعیب اقبال سید نے کام کی سست روی پر ناراضگی کا اظہار کیا اور کمپنی سے مقررہ وقت کی پابندی کروانے کی ہدایت کی تاکہ منصوبہ مقررہ مدت میں مکمل ہو سکے۔
سٹی مینجر پسپ محمد اسجد خان نے بتایا کہ یہ جرمانہ جولائی 2023سے اب تک کام کی شرح 55.22سے64.40تک کی بجائے صرف 57.13فیصد کام مکمل کرنے پر عائد کیا گیا، یوں پچھلے 4ماہ میں چینی کمپنی نے صرف1.91فیصد مزید کام کیا جبکہ ہدف کے مطابق اسے9.18فیصد کام مکمل کرنا تھا۔
کمشنر شعیب اقبا ل سید نے مڈھالی روڈ پر مرمت کے کام کا بھی جائزہ لیا اور اسے اگلے 3روز میں مکمل کرنے کی ہدایت کی تاکہ عوام کی مشکلات کم ہو سکیں۔
