حب۔17 مئی (اے پی پی)سندھ اور بلوچستان کے سنگم پر قائم پاکستان رینجرز اور کسٹم انٹیلی جنس کی مشترکہ کارروائی ،نان کسٹم پیڈ اشیاء،بھاری مقدار میں سگریٹ، چھالیہ، خشک دودھ، ٹائرز، الیکٹرنک آئٹمز، فیبرکس اور مختلف نوعیت کی اشیاء خوردنوش قبضے میں لے لی گئیں۔
ترجمان پاکستان رینجرز کے مطابق کراچی اور بلوچستان بارڈر پر واقع حب پاکستان رینجرز چیک پوسٹ سے دوران چیکنگ مختلف نوعیت کی اشیاء قبضے میں لی گئیں۔
ملزمان اسمگل شدہ سامان بسوں، ٹرکوں اور کاروں کے خفیہ خانوں میں چھپا کر بلوچستان سے کراچی اسمگل کرتے تھے۔جبکہ پچھلے چھ ماہ کے دوران اربوں روپے مالیت کا سامان بھاری مقدار میں نان کسٹم پیڈ اشیاء برآمد کی گئی ہیں۔برآمد شدہ نان کسٹم پیڈ اشیاء مزید قانونی کاروائی کے لیے پاکستان کسٹم حکام کے حوالے کردی گئی ہیں۔
