لاہور، 22 مئی (اے پی پی):گورنر پنجاب سردار سلیم حیدر خان کی اسلام آباد میں اسلامی جمہوریہ ایران کے سفارتخانے میں ایرانی صدر اور رفقاء کی ہیلی کاپٹر حادثے میں شہادت پر ایرانی سفیر رضا امیری مقدم سے اظہار تعزیت کیا۔
گورنر پنجاب سردار سلیم حیدر نے کہا کہ ایرانی عوام اور حکومت کے غم میں برابر کے شریک ہیں۔ پوری پاکستانی قوم دکھ میں ہے۔ابراہیم رئیسی پاکستانی حکومت اور عوام سے محبت کرتے تھے۔ گورنر پنجاب کا کہنا تھا کہ وہ ایک ویژرنری لیڈر ٹھے۔ ابراہیم رئیسی نے مسلم امہ کے اتحاد کے بہت بڑے حامی تھے۔ انہوں نے حال ہی میں پاکستان کا کامیاب دورہ کیا تھا جس میں اہم معاہدوں پر دستخط ہوئے۔
گورنر پنجاب نے مرحومین کے ایصال ٹواب کے لیے فاتحہ خوانی و مرحومین کی بلندی درجات اور سوگواران کے لیے صبر جمیل کی دعا اور وزیٹر بک میں تعزیتی کلمات بھی قلمبد کیے۔ ایرانی سفیر رضا امیری مقدم نے کہا کہ اس مشکل وقت میں دکھ بانٹنے اور حوصلہ دینے لے لیے ایران کی حکومت اور عوام کی جانب سے تہہ دل سے مشکور ہوں۔
