زیارت، 24 مئی (اے پی پی) ؛وزیراعلیٰ بلوچستان میر سرفراز بگٹی نے قائد اعظم پبلک لائبریری زیارت کا دورہ کیا ،وزیراعلیٰ بلوچستان میر سرفراز بگٹی نے کہا کہ قدیمی لائبریری کی تزئین و آرائش اور بحالی کا منصوبہ خوش آئند اقدام ہے، لائبریری میں سولرائزیشن اور فراہمی آب کے منصوبوں کے لئے وسائل فراہم کریں گے ۔
انہوں نے کہا کہ لائبریری کے گارڈن کی بحالی کیلئے بھی جلد کام شروع کیا جائے گا۔ وزیراعلیٰ بلوچستان کی جانب سے قائد اعظم لائبریری زیارت کی تزین و آرائش و بحالی منصوبے کے خالق سابق ڈپٹی کمشنر حمود الرحمٰن کی کارکردگی کی تعریف، ایکسلنس ایوارڈ دینے کا اعلان کیا گیا۔
