نوشہرو فیرو،14جون (اے پی پی): عید قرباں پر سنت ابرہیمی کی ادائیگی کیلئے ہر شخص اپنی پسند کا جانور خریدنے میں مگن دیکھائی دے رہا ہے کنڈیارو بکرا منڈی میں مختلف اقسام کے لائے گئے بکروں میں خصوصاً ” بنٹی اور ببلی کی جوڑی ” کے چرچے بھی گونج رہے ہیں شہرت یافتہ بکروں کی جوڑی دیکھنے اور انکی خریداری کا شوق رکھنے والے افراد کی منڈی آمد کا سلسلہ بھی جاری ہے۔
ان موٹے تازے اور تگڑے بکروں کی جوڑی بنٹی اور ببلی کے دو سال تک ناز نخرے اٹھانے والا بیوپاری بھی اپنی پسند کی رقم لینے پر بضد ہے جبکہ خریداروں کا بھاؤ تاؤ تاحال بے سود دیکھائی دے رہا ہے۔
دیکھنا یہ ہے کہ یہ بنٹی اور ببلی کی جوڑی کو پیار سے پالنے والا بیوپاری کب کسی خریدار سے متفق ہوکر بکروں کی جوڑی کو ان کے حوالے کرتا ہے تاکہ وہ عید قربان پر سنت ابراہیمی کا فریضہ ادا کرسکیں۔
