سکھر، 12جولائی ( اے پی پی): پرانہ سکھر میں مسجدکے نام سے منسوب ساڑھے تین سو سالہ قدیمی تعزیہ برآمد، انتظامیہ کی جانب سے سخت سیکیورٹی انتظامات، پولیس او رینجرز کے ساتھ ساتھ سیکڑوں رضاکاروں نے سکیورٹی کے فرائض سر انجام دیئے۔
شہدائے کر بلا کی یا د میں پرانہ سکھر میں پانچ محرم الحرام کو نکالا جانے والاساڑھے تین سو سالہ قدیمی ( مسجد کا ماتم )پرانہ سکھر کے علاقے لعل کے مقام سے نکا لا گیاجوجنات بلڈنگ، شاہی بازار، معصومی امام بارگاہ اور دیگرعلاقوں سے ہوتا ہواڈتل شا ہ قبرستان پہنچ کر اختتام پذیر ہوا۔
ماتمی جلوس کی حساسیت اور عزاداران کی بڑی تعداد کے پیش نظر سکھر انتظامیہ کی جا نب سے سیکیورٹی کے سخت انتظامات کیے گئے، ماتمی جلوس کے اختتام تک پرانہ سکھر کی طرف آنے والے تمام راستے گاڑیوں کے لیے بند رکھے گئے جبکہ ماتمی جلوس کی گذرگارہوں پرآنے والی تمام گلیوں کو سیل کیا گیا تھامختلف مقامات پر سی سی ٹی وی کیمرئے لگا ئے گئے جن کے ذریعے ماتمی جلوس کی نگرانی کی جا تی رہی، اور جلوس میں شامل ہو نے کے لیے آنے وا لے عزاداروں کی جامہ تلاشی کے بعد ان کو چھوڑا گیا جبکہ ماتمی جلوسوں کی گذر گا ہوں اور پر انہ سکھر کی گلیوں محلوں اور راستوں پر پولیس و رینجرز کی بھاری جمعیت تعینات کی گئی شہریوں کی جانب سے عزاداروں کی سہولت کے لیے پانی، چائے و شربت کی سبیلیں لگائی گئی جبکہ مختلف اسکاوٹس تنظیموں، سول ڈیفنس و دیگر رضاکاروں کی جانب سے عزاداروں کو فوری طبی امداد پہنچا نے کے لیے طبی کیمپ بھی لگا ئے گئے تھے۔
