گِلگت،25 نومبر(اے پی پی ): وفاقی وزیر برائے امورِ کشمیر، گلگت بلتستان اور سیفران انجینئر امیر مقام نگراں وزیرِ اعلیٰ جسٹس (ر) یار محمد کی حلف برداری کی تقریب میں شرکت کے لیے گلگت پہنچ گے۔
وفاقی وزیر کی گِلگت ایئرپورٹ آمد پر اُن کا پرتپاک استقبال کیا جبکہ مسلم لیگ (ن) کے صدر اور سابق وزیرِ اعلیٰ گلگت بلتستان حافظ حفیظ الرحمن نے اُن کا خیرمقدم کیا۔
ایئرپورٹ پر سینئر سرکاری افسران، مسلم لیگ (ن) کے دیگر رہنما اور وزارت کے اعلیٰ حکام بھی موجود تھے۔
وفاقی وزیر کے ہمراہ وزارتِ امورِ کشمیر و گلگت بلتستان کے سینئر افسران بھی گِلگت پہنچے۔انجینئر امیر مقام اپنے دورۂ گلگت کے دوران اہم ملاقاتیں بھی کریں گے۔
