اسلام آباد 12 دسمبر (اے پی پی): پاک بحریہ کی ایوی ایشن جہت میں میرینائزڈ اے ٹی آر ، دو سی کنگ ہیلی کاپٹر اور ہیلی کاپٹر سیمولیٹر کا شامل کرلیا گیا ہے ۔
ان تمام پلیٹ فارمز کی پاک بحریہ میں شمولیت کے حوالے سے کراچی میں ایکپُروقار تقریب کا انعقاد کیا گیا جس کے مہمان خصوصی چیف آف دی نیول اسٹاف ایڈمرل ظفر محمود عباسی تھے۔
تقریب سے خطاب کرتے ہوئے سربراہ پاک بحریہ نے کہا کہ جیو اسٹریٹجک حالات کو مدنظر رکھتے ہوئے ہمیں اپنے قومی مفاد کو اولین ترجیح دینی ہے انہوں نے کہا کہ جنگی حکمت عملی میں ہائبرڈ وار فئیر اور سائبر وار فئیر کے خلاف ہمیں چوکنا رہنا ہے۔جنگیں صرف سازو سامان کے زور پر نہیں بلکہ جذبہ ایمانی اوردفاعی مقصد کے ساتھ خلوص کی طاقت سے لڑی جاتی ہیں۔
ترجمان پاک بحریہ کے مطابق دونوں سی کنگ ہیلی کاپٹرز کو مقامی طور پر پاک بحریہ کی دفاعی ضروریات کو مدنظر رکھتے ہوئے جدید ساز و سامان سے لیس کیا گیا ہے
اے پی پی /حمزہ /نیوز ڈیسک
وی این ایس اسلام آباد
